MS-blaðið, 2. tbl. 2023 er komið út

Þetta seinna tölublað ársins er efnismikið og einnig helgað unga fólkinu eins og hið fyrra. Viðtöl við fimm unga einstaklinga birtast í þessu tölublaði. Við erum einkar þakklát öllu unga fólkinu sem hefur verið tilbúið að koma fram og segja sína sögu í blaðinu í ár. Það krefst hugrekkis og áræðni og veitir öðrum dýrmæta innsýn inn í lífið eftir greiningu.

Berglind Jóna Jensdóttir, sálfræðingur MS-félagsins, fjallar í grein sinni um tilfinningar í kjölfar greiningar og að ná sátt.

Í blaðinu er einnig greinargóð kynning á Skell, félagshópi ungra, nýgreindra einstaklinga með MS, sem Svanhildur S. Mar tók saman.

Sagt er frá niðurstöðum í rannsókn Maya Lekkas iðjuþjálfa á áhrifum þess á þátttöku og athafnir í daglegu lífi að skipta frá handknúnum hjólastól yfir í rafknúinn, en fimm Íslendingar tóku þátt í rannsókninni. 

Stutt viðtal er við Ingdísi Líndal fyrrum skrifstofustjóra félagsins, en hún hefur kvatt félagið eftir 20 ára starf. Þá eru fastir liðir á sínum stað, formannspistill, yfirlit yfir þjónustu félagsins, námskeið á döfinni, verðlaunakrossgáta o.fl.

Við þökkum ritnefnd og blaðamanninum Rögnu Gestsdóttur kærlega fyrir vel unnin störf.

MS-blaðið á rafrænu formi

Efnisyfirlit:

• Formannspistill - Hjördís Ýrr Skúladóttir
• Skellur - Ungt fólk með MS
• Það er valdeflandi að ná markmiðum sínum - Sara Björg Pétursdóttir
• Ingdís skrifstofustjóri kveður MS-félagið eftir 20 ára starf
• Sannfærð um að ég hafi fæðst með sjúkdóminn, en hvað veit maður? - Ingveldur Anna Þorsteinsdóttir
• Hausinn skiptir máli, að hafa hann í lagi, vera jákvæður og gefast ekki upp - Sigurður Kristinsson
• Að ná sátt - Berglind Jóna Jensdóttir, sálfræðingur
• Er að aðlaga minn lífsstíl að sjúkdómnum - Hrafnhildur Lára Ingvarsdóttir
• Ég ætla að lifa þessu lífi eins vel og ég get og vera hamingjusöm - María Rut Róbertsdóttir
• Aukin virkni, þægindi og minni þreyta - rannsókn Maya Lekkas 
• Krossgáta 
• Frá afmælisráðstefnu í Gullhömrum