MS-félagið 2019

Hjá Styrk, sjúkraþjálfun, Höfðabakka 9, miða æfingar að því að efla styrk, færni, jafnvægi og úthald. Þjálfunin fer fram í tveimur hópum sem miða við getu og færni einstaklinganna. Þjálfunin er þó einstaklingsmiðuð. Mjög góð aðstaða er hjá Styrk, bæði til hópþjálfunar og æfinga í tækjasal. Öllum er frjálst að koma og taka prufutíma eða fylgjast með. Æfingarnar þykja mikil áskorun, einstaklega fjölbreyttar og skemmtilegar. Enginn tími er eins. Sjá nánar hér

Hið árlega og vinsæla páskabingó MS-félagsins fyrir MS-fólk og fjölskyldur þeirra fór fram 13. apríl. Vinningar voru páskaegg af öllum stærðum og gerðum, auk gjafapoka með góðgæti frá Innes. Myndirnar tók Ingdís Líndal.

Aðalfundur MS-félagsins 2019 fór fram 9. maí

Sumarhátíð MS-félagsins var að venju haldin í sól og sumaryl á Sléttuveginum í tilefni Alþjóðadags MS. Rauðhetta, úlfurinn og grísinn úr leikhópnum Lottu mættu á svæðið og léku leikritið um Rauðhettu og úlfinn. Í kjölfarið tróð Jón Sigurðsson, betur þekktur sem Jón 500 kall úr Idolinu, upp og spilaði á gítarinn sinn og söng mörg mjög skemmtileg lög sem flestir þekktu. Boðið upp á andlitsmálun og var gaman að sjá m.a. glaða litla einhyrninga, kisur og tígrísdýr skoppa um. Pylsubíllinn ómissandi frá Atlantsolíu var á staðnum og ís var í boði Emmess. Ingdís Líndal tók myndir.

Myndir af starfsfólki Íslandsbanka við hin ýmsu verk hjá MS-félaginu 2019

Hér má sjá myndir sem teknar voru við ýmis tækifæri við leik og störf 2019. Aðalmyndasmiður er Ingdís Líndal.