Reykjavíkurmaraþonið 2018 - Þvílík gleði og fjör á hvatningarstöð MS-félagsins við Olís, Granda, í frábæru veðri þar sem hlauparar í 10 km., hálfu og heilu maraþoni hlupu framhjá. Hin vaska sveit flutti sig svo í miðbæinn til að hvetja áfram liðið okkar sem hljóp og renndi sér 3 km. Kærar þakkir, allir sem mættu, hlupu og gáfu áheit, fyrir dásamlegan dag :-)
Skoða myndir
MS-félagið fagnaði 50 ára afmæli 20. september 2018. Af því tilefni bauð félagið til ráðstefnu og í afmælisveislu að ráðstefnu lokinni að Gullhömrum Grafarholti. Ráðstefnan bar yfirskriftina – MS-sjúkdómurinn – staða og horfur. Ráðstefnan var einstaklega vel heppnuð og í afmælisveislunni svignuðu borð undan veitingum. Myndirnar tók Ingdís Líndal, framkvæmdastjóri félagsins.
Skoða myndir
Að venju stóð MS-félagið fyrir jólaballi í Safnaðarheimili Grensáskirkju. Margmenni mætti - yfir 100 börn, foreldrar þeirra, afar og ömmur ...... og ekki síst tveir jólasveinar, þeir bræður Giljagaur og Kertasníkir. Gunnar úr Fjörkörlunum sá um að spila jólalögin á hljómborðið og hélt uppi miklu stuði. Happdrættið gerði mikla lukku en ekki síst jólanammipokarnir sem jólasveinarnir gáfu öllum prúðum börnum. Allir gerðu sér veitingarnar að góðu sem stjórnarkonurnar Ólína og Linda sáu um að ekki skorti. Ingdís, framkvæmdastjórinn okkar, hafði veg og vanda af jólaballinu og tók myndirnar.
Skoða myndir
Hér má sjá myndir sem teknar voru við ýmis tækifæri við leik og störf 2018. Aðalmyndasmiður er Ingdís Líndal.
Skoða myndir
Þann 11. apríl sl. voru haldnir tónleikar til styrktar ungu fólki með MS í Fella- og Hólakirkju, en að þeim stóðu fjórir nemendur í Háskóla Íslands. Margskonar listamenn komu fram, meðal annars tónlistarmennirnir Hlynur Ben og Rannveig Júlía auk þess sem Dóra var með uppistand. Á staðnum var svo happdrætti með marga veglega vinninga sem sumir heppnir tóku með sér heim. Þetta var frábært kvöld í alla staði og MS-félagið þakkar kærlega fyrir stuðninginn, bæði frá þeim sem mættu og styrktu unga fólkið og eins þeim sem gáfu vinnu sína og fyrirtækin sem gáfu veglega vinninga í happdrættið. Hópurinn sem stóð á bakvið þetta allt saman kom svo til okkar í MS-félagið til að afhenda ágóðann, en samtals söfnuðust 138.00 kr. fyrir ungt fólk með MS! Björg Ásta Þórðardóttir veitti styrknum mótttöku fyrir hönd félagsins og unga fólksins og þökkum við kærlega fyrir.
Skoða myndir
Aðalfundur MS-félagsins var haldinn 16. maí. Sjá umfjöllun hér https://www.msfelag.is/is/felagid/frodleikur/frettir/adalfundur-ms-felagsins-2018
Skoða myndir
Myndir frá sumarhátíð MS-félagsins á alþjóðadegi MS, 30. maí 2018. Ljósmyndari er Helga Kolbeinsdóttir.
Skoða myndir
Styrktarnámskeið fyrir fólk með MS sem Styrkur sjúkraþjálfun sér um. Æfingar miða við sértæka líkamlega þjálfun í hópi með áherslu á efla styrk, jafnvægi, færni og úthald. Þjálfunin er þó einstaklingsmiðuð. Sjá nánar undir Félagið-Þjónusta-Námskeið. Í lok júní hélt hópur I "Pálínuboð" til að slútta vorönninni. Nokkrir hópfélagar voru þó komnir í sumarfrí. Á hópmyndinni sitja sjúkraþjálfararnir Belinda og Siggi en Maríu vantar.
Skoða myndir
