Framlag í Styrktarsjóð

MS-félagið er með Styrktarsjóð.

Styrkur er veittur fyrir margvíslega flokka m.a, útfararstyrkur, dvöl á heilsustofnun, neyðaraðstoð, greiða skólagjöld, námsbækur, námskeið sem eru hluti af námi og annað sem styrkir einstaklinginn á annan hátt til náms, fræðslu og þekkingar.

Úthlutun úr sjóðnum er tvisvar á ári, í febrúar og október.

Rétt til úthlutunar eiga félagsmenn með MS greiningu sem eru skuldlausir við félagið, fagaðilar og nemar og stofnanir sem þjónusta fólk með MS.

MS-félagið er á almannaheillaskrá skattsins og því geta framlög til félagsins veitt rétt á skattfrádrætti ef öll skilyrði til þess eru uppfyllt.

Einstaklingur getur fengið skattfrádrátt (lækkun á tekjuskattsstofni) allt að 350.000 kr. á ári, vegna gjafa og framlaga til MS-félagsins. Til þess að einstaklingur fái frádrátt þurfa gjafir/framlög hans á árinu að vera a.m.k. 10.000 kr. Frádráttur þessi er ekki millifæranlegur hjá hjónum/sambúðarfólki.

Frádráttur rekstraraðila getur numið 1,5% af rekstrartekjum á því ári sem gjöf er afhent eða framlag er veitt.

Nauðsynlegt er að gefa upp kennitölu í kaupferlinu til að hægt sé að standa skil á upplýsingum til skattfrádráttar.