Hugræn atferlismeðferð

Reykjalundur er mjög framarlega þegar kemur að hugrænni atferlismeðferð sem talið er að gagnist vel við þunglyndi og kvíða. Á vefsíðu þeirra má nálgast ókeypis handbók og vinnubók í HAM en einnig er hægt að sækja hjá þeim námskeið eða fá upplýsingar um námskeið. Upplýsingar í síma Reykjalundar 585 2000.

 

 

Tekið af vefsíðu Reykjalundar:

Hugræn atferlismeðferð (HAM) hefur náð mikilli útbreiðslu undanfarin ár í tengslum við ýmsan heilsuvanda, en þó einkum þunglyndi og kvíða. Rannsóknir sýna að HAM er gagnleg aðferð til að ná og viðhalda bata í þunglyndi.

 

Í dag eru margir þeirrar skoðunar að fyrsta hjálp við sálrænum vanda felist í sjálfshjálp. Margar sjálfshjálparbækur hafa komið fram, en undanfarið hefur í auknum mæli verið boðið upp á hugræna atferlismeðferð þar sem nýtt er tækni veraldarvefsins. Þetta hefur skilað árangri sem gefur fyrirheit um enn frekari útbreiðslu þessarar nálgunar.

 

Starfsfólk geðsviðs Reykjalundar hefur þróað meðferðarhandbók í hugrænni atferlismeðferð við þunglyndi í mörg ár. Nú er þessi bók útgefin til notkunar fyrir almenning og meðferðaraðila en hún er samtímis komin inn á veraldarvefinn þar sem nálgast má texta bókarinnar og verkefni, bæði á ritformi og á hljóðskrám, sem gerir hana aðgengilega fyrir mun fleiri en áður m.a. þá sem eiga við lesblindu að stríða.

 

Valgerður Baldursdóttir, yfirlæknir geðsviðs Reykjalundar

 

 Meðferðarhandbók í hugrænni atferlismeðferð hér