Lög félagsins

Samþykkt á aðalfundi 9. maí 2015

1. grein

Nafn félagsins er MS-félag Íslands (The MS-Society of Iceland). Heimili þess

Nafn félagsins er MS-félag Íslands (The MS-Society of Iceland). Heimili þess og varnarþing er í Reykjavík. Félagið er aðili að Öryrkjabandalagi Íslands (ÖBÍ) svo og alþjóðlegum samtökum MS-félaga.

 

2. grein

Markmið félagsins er að vinna að velferð þeirra sem haldnir eru MS-sjúkdómnum með því að veita þeim og aðstandendum þeirra stuðning og stuðla að öflugri félags- og fræðslustarsemi . Félagið er málsvari félagsmanna gagnvart hinu opinbera og öðrum aðilum.

 

 3. grein

Félagar geta verið fólk með MS-sjúkdóminn, aðstandendur þess og aðrir sem áhuga hafa á málefnum félagsins.

 

4. grein

Félagið aflar tekna með árgjöldum félagsmanna, gjöfum og styrkjum sem því kann að áskotnast. 

 

 5. grein

Aðalfundur fer með æðsta vald í málefnum félagsins og skal hann haldinn eigi síðar en í október ár hvert. Aðalfundur er löglegur sé til hans boðað bréflega og/eða með auglýsingu í dagblöðum með í það minnsta tveggja vikna fyrirvara og skal dagskrá aðalfundar tilgreind í fundarboði. Framboð til stjórnar og nefnda skal tilkynna til skrifstofu eigi síðar en viku fyrir aðalfund. Atkvæðisrétt á aðalfundi hafa þeir sem eru skráðir í félagið eigi síðar en viku fyrir aðalfund og hafa greitt árgjald til félagsins. Hver atkvæðisbær félagsmaður hefur eitt atkvæði og ræður afl atkvæða úrslitum mála, nema annars sé getið í lögum félagsins.

 

 6. grein

Á aðalfundi skulu þessi mál tekin til meðferðar:

a) Kosning fundarstjóra og fundarritara.
b) Skýrsla stjórnar.
c) Endurskoðaðir ársreikningar félagsins lagðir fram.
d) Umræður og afgreiðsla á skýrslu stjórnar og ársreikningum.
e) Upphæð árgjalds ákveðin.
f) Lagabreytingar.
g) Kosning stjórnar, fyrsta og annars varastjórnarmanns.
h) Kosning tveggja skoðunarmanna reikninga og skal annar þeirra vera löggiltur endurskoðandi.
i)
Kosning aðalfundarfulltrúa og varamanna á aðalfund ÖBÍ skv. lögum ÖBÍ.
j) Kosning nefnda.
k) Önnur mál. 

 

 

 7. grein

Boða skal til aukaaðalfundar svo fljótt sem auðið er ef meirihluti stjórnar eða a.m.k. fjórðungur félagsmanna fer fram á það skriflega og leggur fram tillögu að dagskrá.

 

8. grein

Lögum félagsins má breyta á aðalfundi eða aukaaðalfundi með samþykki 2/3 hluta atkvæða. Tillögur til lagabreytinga skulu kynntar í fundarboði.

 

9. grein

Stjórn félagsins skipa 5 menn og 2 til vara; formaður, varaformaður, ritari, gjaldkeri, meðstjórnandi og tveir varamenn. Allir stjórnarmenn eru kosnir til tveggja ára. Tveir til þrír stjórnarmenn eru kosnir hverju sinni og einn varamaður. Formaður er kosinn sérstaklega, en að öðru leyti skiptir stjórnin með sér verkum.

 

10. grein

Stjórnarseta skal ekki vara lengur en 8ár samfleytt og verða menn kjörgengir á ný að ári. Fyrri stjórnarseta skerðir ekki formannstíð. Formaður skal að jafnaði ekki sitja lengur en 8 ár. Aðalfundi einum er heimilt aðákveða hvort greiða skuli stjórnarlaun.

 

11. grein

Stjórnin ræður málefnum félagsins milli aðalfunda. Hún tekur nánari ákvarðanir um starfsemi þess þ.m.t. ráðningu framkvæmdastjóra og ber ábyrgð á fjárreiðum. Á grundvelli bókaðra samþykkta á stjórnarfundi getur hún skuldbundið félagið gagnvart öðrum aðilum og er undirskrift formanns og gjaldkera nægileg til þess. Stjórnin getur þó veitt einum eða fleirum sameiginlega prófkúru fyrir félagið. Til meiriháttar ákvarðanatöku, svo sem kaup, byggingu eða sölu fasteigna, skal ávallt boða til félagsfundar og skal til hans boðað á sama hátt og til aðalfundar. Ræður afl atkvæða úrslitum á slíkum fundum.

 

 12. grein

Formaður boðar til stjórnarfunda, sem halda skal svo oft sem þurfa þykir. Stjórnarfund skal einnig halda ef í það minnsta tveir

stjórnarmenn krefjast þess. Stjórnarfundur er löglegur og ályktunarbær ef þrír stjórnarmenn eða varastjórnarmenn sækja fundinn hið fæsta. Afl atkvæða ræður úrslitum á stjórnarfundum. Gerðir stjórnarinnar skulu bókfærðar.

 

 13. grein

Reikningsár félagsins er almanaksárið. Reikningarnir skulu endurskoðaðir af tveimur skoðunarmönnum sem aðalfundur kýs.


14. grein

Komi fram tillaga um slit félagsins skal farið með hana eins og lagabreytingatillögu. Þó fæst hún eigi afgreidd nema a.m.k. fimmtungur félagsmanna mæti til aðalfundar. Ef ekki næst tilskilin fundarsókn skal boða til framhaldsaðalfundar um tillöguna innan mánaðar. Sá fundur getur afgreitt tillöguna án tillits til fjölda fundarmanna. Verði félagið lagt niður skal á sama fundi ráðstafa eignum þess í samræmi við tilgang félagsins.


15. grein

Þessi lög voru þannig samþykkt á aðalfundi MS-félagsins 9. maí 2015 og falla þá jafnframt eldri lög úr gildi.

 

MS-félag Íslands stendur undir ýmis konar þjónustuvið félagsmenn sína svo námskeiðshaldi, félagsráðgjöf, landsbyggðafundum, jógatímum, líkamsþjálfun og öflugu félagsstarfi. Þá gefur félagið út rit MS-félags Íslands, MeginStoð, tvisvar á ári.

 

Félagið á og rekur húsnæði að Sléttuvegi 5 í Reykjavík.
Þar er skrifstofa félagsins, en hún er opin frá 10-15 virka daga.
Í sama húsnæði MS-Setrið sem býður upp á hjúkrun og umönnun, sjúkraþjálfun, iðjuþjálfun, vinnustofu og félagsstarf, félagsráðgjöf og aðra þjónustu.

 

Á vefsíðu félagsins, www.msfelag.is eru nýjustu fréttir, margvíslegur fróðleikur og nánari upplýsingar um þjónustu og námskeið sem eru í boði hverju sinni.

 Auk þess hefur félagið síðu á facebook: MS-félag Íslands.