Blitzima í stað MabThera

Frá 2012 hefur í allt um 90 einstaklingum með MS verið gefið „off label“ lyfið MabThera með virka efninu rituximab.

Off label“ þýðir að lyfið er ekki markaðssett til meðferðar á þeim sjúkdómi sem það er ávísað á, en talið er að meðferðarvirknin sé þess eðlis að kostir af notkun þess vegi upp mögulega áhættu. 

Frá síðasta lyfjaútboði LSH er sjúklingum nú gefið lyfið undir heitinu Blitzima.

Blitzima hefur sama virka efnið og MabThera, aðeins er um annan framleiðanda að ræða. Breytingin hefur því engin áhrif á sjúklinginn.

 

Blitzima er að jafnaði gefið þeim sem ekki þola Tysabri eða Gilenya eða MS-lyf virka ekki sem skyldi. Blitzima er innrennslislyf, gefið á sjúkrahúsi á sex mánaða fresti. Virka efni lyfsins, rituximab, er mótefni sem eyðileggur B-frumur í blóði, þ.e. hefur áhrif á hvítu blóðkornin. Lyfið hefur þannig áhrif á ónæmiskerfið og getur því aukið líkur á sýkingum. Lyfið þolist almennt vel og almennt má segja að það sé án alvarlegra aukaverkana en þó þarf að vera á varðbergi gagnvart PML og sýkingum.

  

Upplýsingar um Blitzima má finna hér.

 

 

Bergþóra Bergsdóttir, fræðslufulltrúi